كتب / محمد مختار
الأحد 2026/7/12
خبر مفاجيء وغريب السيناتور الأمريكي الصهيوني المتعصب ليندسي جراهام اللي كان عايز يحرق غزة بالقنابل نفق من شوية بسبب مرض قصير ومفاجيء وده جاي بعد ساعات قليلة من تهديد المرشد الإيراني مجتبي خامينى بالانتقام من المشاركين في قتل والده المرشد السابق “علي خامنئي
تفتكر دي صدفة ومش بس كده المفاجأة الأكبر هي إن الحرب شكلها بترجع خلاص وإحنا تقريبًا لسه مش مستوعبين اللي بيحصل عشان من كام ساعة فاتوا وأنت نايم إيران ضربت القواعد الأمريكية في قطر والإمارات والبحرين والكويت والأردن وعمان في وقت واحد وفي وسط التصعيد ده كله، ترامب امبارح كان بيقول إن في تهديدات إيرانية باغتياله وإنه سايب تعليمات مباشرة لو حصل له أي حاجة إنه يتم تدمير إيران بالكامل بأكتر من 1000 صاروخ كدفعة أولى طيب بالراحة كده هو أيه اللي بيحصل بالضبط خلينا ناخدها من البداية عشان تفهم لإن للأسف الأحداث واقعة من الناس كلها بسبب إنشغال العالم كله بالمهازل اللي بتحصل في كأس العالم قصتنا بتبدأ من أيام فاتت لما أمريكا قصفت إيران كذا مرة ورا بعض بسبب إن إيران مانعة مرور السفن من مضيق هرمز إلا من المناطق المحددة وبتستهدف أي سفينة تحاول تعدي وضربت بالفعل 3 سفن بالمسيرات بعد الهجمات الأمريكية اللي حصلت من كام يوم دي، إيران ردت بصواريخ ومسيرات هي كمان على القواعد العسكرية في الخليج والضربات كانت المرة دي أقوى من المعتاد والموقف بدأ يتوتر بشكل أكبر من السابق بكتير
فـيحصل أيه بقى تفتكر حد في أمريكا هيحاول يخفض التصعيد عشان المفاوضات تكمل لأ طبعًا ترامب امبارح خرج وقال بشكل صريح إن وقف إطلاق النار مع إيران انتهى خلاص وإن واشنطن مبقتش شايفة إن في أي معنى لاستمرار التفاهمات بالشكل اللي كانت ماشية بيه وده ضمنيًا كان نفس كلام إيران بردو لإنها شايفة إن أمريكا لا يمكن الوثوق فيها وخصوصًا إن في خلال جنازة وتشييع جثمان المرشد السابق علي خامنئي اللي حضرها ملايين الإيرانيين المرشد الجديد مجتبي خامنئي أعلن في خطاب موجه للبلد كلها إنهم هينتقموا من كل من كان له يد في اغتيال المرشد، ولن ينجو منهم أحد وبعدها بالفعل ترامب قال في تصريحات صحفية إنه عنده معلومات إن إيران بتخطط لاغتياله طبعًا مصدر المعلومات هو الموساد والـ CIA وإنه الهدف الأول على القائمة وإنه سايب تعليمات في حالة لو حصله أي حاجة بإن الجيش الأمريكي يسوي إيران بالأرض حرفيًا على مدار سنة متواصلة من القصف بالصواريخ والطيران
فـرد إيران بقى كان أيه سكتت وعدت الكلام لأ طبعًا اللي عملته إيران هي إنها فجأة شنت هجوم واسع وغير مسبوق بالصواريخ الباليستية والمسيّرات من شوية على وقت الفجر كده استهدفت فيه تقريبًا دول الخليج كلها بما فيها عُمان والأردن في نفس اللحظة
وهذا ما حدث
1- في الأردن الحرس الثوري أعلن رسميًا تدمير مركز القيادة والسيطرة ومواقع وحظائر طائرات الاستطلاع والمسيرات المتطورة من طراز MQ-9 في قاعدة الأمير حسن الجوية بعد ما دكوها بـ 10 صواريخ باليستية دفعة واحدة
2- في قطر انفجارات عنيفة هزت سماء العاصمة الدوحة بعد استهداف قاعدة العديد القاعدة الأكبر والأهم لأمريكا في المنطقة والوضع وصل لدرجة إن وزارة الداخلية القطرية أذاعت بيان عاجل بتقول فيه مستوى التهديد الأمني مرتفع وعلى الجميع الالتزام بالبقاء في المنازل
3- في الإمارات لأول مرة من فترة طويلة الصواريخ والمسيرات وصلت لأجواء أبوظبي ودبي وقاعدة الظفرة الجوية ووزارة الدفاع الإماراتية أكدت إنها بتتصدي حاليًا للهجمات بالدفاعات الجوية
4- في الكويت والبحرين الجيش الأمريكي خد على دماغه حرفيًا وتم قصف 4 قواعد وتدمير منشآت وبنى تحتية في مقر الأسطول الخامس بالبحرين وقاعدة الأزرق والجنود هناك هربوا وبقوا بيستخبوا في الفنادق والشقق السكنية والحصون تحت الأرض
5- في سلطنة عُمان حصل هجوم عنيف ومباغت دمر مراكز الدعم اللوجستي ومنصات تزويد حاملات الطائرات الأمريكية بالوقود في ميناء الدقم وخلي بالك إن الهجوم على عمان بالذات معناه إن إيران مبقاش عندها أي خطوط حمراء حتى لو مع وسيط وصديق
6- وجنب كل ده القوات البحرية للحرس الثوري أعلنت كمان إغلاق مضيق هرمز بالكامل وحتى إشعار آخر ومنع أي سفينة من المرور يعني خلاص مبقاش في مسار محدد تمر منه السفن بإذن زي قبل كده المضيق دلوقتي اتقفل نهائيًا والملاحة فيه وقفت تمامًا؛ بالضبط زي ما كان في وقت الحرب وفي وسط كل ده ييجي من شوية الخبر بتاع السيناتور ليندسي جراهام أحد أكبر المناصرين والمؤيدين للحرب على إيران وتدميرها وأكبر مؤيد للإبادة في غزة وأهم وأكبر حليف لإسرائيل في الكونجرس الأمريكي مات بشكل مفاجيء بعد ما وصفه مكتبه بـمرض قصير ومفاجيء
يا ترى أيه المرض القصير والمفاجيء اللي موته ده وإشمعنى دلوقتي بالذات بعد تهديد إيران بملاحقة كل من كان له يد في اغتيال المرشد أو حتى التخطيط أو المشاركة والتأييد بأي شكل
للأسف يا صديقي احنا شكلنا كده داخلين في المعمعة تاني خلاص والمشكلة ان معظم الناس مش واخدين بالهم ومش حاسين ولسه مركزين مع موضوع كأس العالم
إيران وأمريكا خلاص فقدوا الثقة في بعض بشكل كامل وإيران حاليًا شايفة إن واشنطن كانت بتحاول بالمفاوضات تحقق اللي معرفتش تحققه بالصواريخ والطائرات وإنهم كانوا بيخدعوهم وبيماطلوا عشان يفرضوا واقع جديد عليهم وعشان كده مجلس الخبراء الإيراني فهم اللعبة دي ولو انها متأخرة شوية من حوالي 10 أيام كده وطالب المفاوضين بالانسحاب تمامًا من التفاوض والنتيجة إن دلوقتي خلاص السيطرة في إيران بقت بالكامل في إيد التيار المتشدد ومكتب المرشد والحرس الثوري اللي شكلهم كده قرروا يقلبوا الطاولة ويرجعوا للحرب بمفهومها الواسع الشامل
