((كنت ملاك .))
كنت ملاك …ع الأرض كيوت
بَزرع ورد ..اجنيه أشواك
ومن الظلم . وحمل ضغوط
حولتوني ……….ل ملك الموت
عمركوا شوفتوا الموت بيموت ؟؟؟
لأ ده هيمشي ……بألف تابوت
باللي اتأمروا ……..لدبح ملاك..
كنت الحب ….وكنت….. الرحمة
اللي سنين دورت عليها
كنت هدية …وياقلوب فحمة
كنتوا الاسوة …وعشتوا عليها..
كنت وكان وده …فعل وماضي
وماسابليش ..غير وجع الروح
كان لي حبايب صاروا . اعادي
شافوا الظلم .طبيعي و عادي
شوفت وصرت بَشوف بوضوح
شوفت..مدابح …فوقها قلوب
على صرختها …..يقوم زلزال
شوفت…..الصالح .و المعيوب
والمدبوح………بلا أي.. ذنوب
غير أكاذيب .. وفتن. أندال
شوفنا. يا قلي ياريتنا ما شوفنا
بس ياريت ما تعمر بيت
ولا رح تعدل …..حتى ظروفنا
اللي ..انقلبت ………بالعفاريت
شوفت ….الغابة…… ودم غلابه
صافيين……. روحهم ما بتأذيش
ماتوا …عشان…ما يعيشوا ديابه
في ثراء ……….و..مظاهر كدابة
شوفت وحوش ع الناس متسابه
ياكلوا قلوبهم …في رغيف عيش
مصر يا غاليه ..يا بلد .. النيل
كل أصيل…. ليه فيكي. ذليل
والاحرار ………..للشر عبيد
نهرب منك…….. فين من ديل
مليون حية ……وهدة حيل
وده غير مكر .قديم . وجديد
___________________
بقلمي الشاعرة زينب شبل/ 3\5\2026
