…….قلنالك ياحبيبي……
قلنالك ياحبيبي قلنالك
قلنالك ولا خت فبالك
تستاهل بقى اللجرالك
وسمعت كلام النسوان
والله كبرت وشنبك بان
نخطبلك بنت الجيران
طب بنت خالك فلان
يوماتى يزنوا عليك
الايام بتدور حواليك
وحياتك يلزمها شريك
…… ….. …….
قلنالك يا حبيبي قلنالك
…………………….
بكرة ياحلو يوقعوك
ولبنت الحتة يودوك
وكلمة فكلمة ياخدوك
عالمأزون ويجروك
وفوسط الحارة يزفوك
وبشوية ملح يرشوك
فرحان هاتخش دنية
اسبوع ويعدى فثانية
…… ….. ……..
قلنالك ياحبيبي فلنالك
…………………….
وتمر ايام وتيجى ايام
والولاد بقى عندك كام
ودة فجامعة ودى ثانوية
اعدادى ودى ابتدائية
هتموت جواك كل الاحلام
عربية بكار وعبشة تمام
وشرب بقى ياحبيبي من الزير
تطلع من حفرة تقع لى ف بير
…………………………..
قلنالك ياحبيبي قلنالك
…………………………..
لا كسرت لنفسك قرشين
ولاعشت من الدتيا يومين
من الدار للنار اخدوك
ف الدين والهم رموك
ومصيرك بقى زى ابوك
طور ف ساقية عمال تلف
لاحاجة باقية ولاحمل يخف
غنى بقى ياحبيبي على حالك
وتعالا جنبى اعيد هالك
……………………….
قلنالك يا حبيبي قلنالك
……………………..
وشلت عيالك من بطها
فالدنيا ورسمت خطوطها
جمعية وخلصت اقساطها
والدور عليك تقبضها
ولادك كبروا وحواليك
من النسمة بيخافوا عليك
خد بالك يا حبيبي خد بالك
دى رسالة الله بعتهالك
تصنها فيوم تبقى لك
قلنالك ياحبيبي قلنالك
قلنالك ولا خت فبالك
والعمل الطيب يبقالك
……………………..
