* * بناديك تعالى **
_________________
بناديك تعالى
وزيل أي سد
قلبي استحاله
بعدك ل حد
💌
يا واخد قلبي وسايبني
ادوق ذل الزمان واساه
وكنت تهد وانا أبني واصون حُبك ومش بنساه
💌
يا دنيا قبل ما المحها
ماحسيتهاش
يا فرحة روح بتفرحها
وما نسيتهاش
💌
تعالى دا الربيع ورده
بينده لك بحُب وشوق
وقلبي ما فاتشي على أرضه
ف بُعدك م البشر مخلوق
💌
تعالي يللي خدت معاك
جمال الدنيا ونعيمها تعالى وهاتلي قلبي معاك و مليون ضحكة نقسمها
💌
وتحكي لي اللي مفهمتوش
وتاهت روحي فيه ياما
تعالى ارحم عيون ورموش من السهد اللي ما نسيتهوش
و متسيبنيش ف دوامة
💌
بناديك تعالى
وزيل أي سد
قلبي استحاله
بعدك ل حد
《《《《《《《《
بقلمي زينب شبل /١٧/١/٢٠٢١
