فاكرة
****
أحمد
فاكرة اما كنت ليك السند
وتقولي انى كمان الروح
كان بيني وبين عينيك عهد
وكان السكات ما بينا بوح
فاكرة رعشة ايدينا و بتتمد
تسلم ساعتها تطيب الجروح
فاكرة كنت أبص في عينيك
الاقي الف فراشة بالسر تبوح
والضحكة تطرح ورد
انفاسك مسك وعطور بتفوح
وأقطفلك من السما نجماية
لو كان بايدي اهديك الروح
فاكرة
سهر الليالي وحيرة الدمعة
في العيون ما بتروح
والقلق ضارب في عمق الليل
الصوت ساعتها كان مبحوح
فاكرة اما طلع فجر الامل
مابين ضحكت شفايفك
وبنينا بالحب ديار وصروح
وليالي الحزن لملمت شالها
والروح دابت بحبال الروح
فاكرة
** أحمد ابراهيم**
16/2/2020
