السياسة و كرة القدم
كتب : محمد عتابي
منذ نشأة كرة القدم ونحن نسمع الكثير والكثير من الشعارات الرنانة والبراقة بأن كرة القدم هي رياضة ووسيلة هامة جدا للتواصل والتقارب بين الشعوب .
ولكن شاهدنا علي ارض الواقع أحداث تؤكد علي “تسيس كرة القدم ” وجعلها وسيلة لأحداث ضغوطا هائلة علي شعوب وحكومات ولاعبين .
ولكن عندما يتعلق الأمر باللاعبين العرب يتم انذارهم والتهديد بالعقوبة والايقاف وهذا ما حدث مع محمد ابو تريكة عندما أعلن تعاطفا مع غزة !!
وعندما رفع لاعبا سنغاليا علم إسرائيل بعد احرازه هدفا في بطولة أمم أفريقيا ٢٠٠٢ لم يتحرك الاتحاد الأفريقي أو الدولي !!!
وفي كأس العالم ٢٠١٠ جمعت الفرق الأمريكي والايراني شاهدناها مباراة التقارب والمصالحة السياسية بين الدولتين … والأمثلة كثيرة
الخلاصة
اللى بيقولك مفيش سياسه فى الرياضه
كفاكم هرى وهبد واى كلام يتقال وخلاص
السياسه داخله فى كل حاجه
هل تعلم ان منذ بداية البطوله .. استوديوهات الجزيره الرياضيه لا تتحدث الا عن طقس مصر السىء والحار اللى مخلى اللاعبين اداءهم وحش وان البطوله واقعه فنيا؟
طب هل تعلم ان المفروض وقت اى بطوله
قنوات الجزيره بتسخر نفسها للبطوله
يعنى طول الليل ولحد مواعيد الماتشات تانى يوم
بيذيعوا ملخصات للماتشات اللى اتلعبت فى البطوله لحد دلوقتى
بيذيعوا اهداف المباريات اللى اتلعبت
بيذيعوا برامج عن البطوله وهذا من قبيل بث روح الملل والإحباط والتأكيد ان البطولة فاشلة
خليني بقي اقولك مفاجأه
هل تعلم ان ماتش مصر والكاميرون اللى كان فى نهائى بطولة 2017
ومصر اتغلبت فيه 1/2
الماتش ده تم اعادته 3 مرااااات على قناة الجزيره الرياضيه امبارح !!!
يعنى البطوله على ارضنا … والماتشات شغاله
ورايحين يذيعوا ماتش اتغلبنا فيه فى النهائى
لكي الله يا مصر
تحيا مصر.. تحيا مصر.. تحيا مصر
