نظام الدمج التعليمى فى مصر ماله وما عليه وهل اثبت فعلا نجاحه ام انه تجربه قد باءت بالفشل ؟!

جمال ابو هاشم … العريش

فى استطلاع للرأى تم نشره على مواقع السوشيال ميديا فى جميع المجموعات الخاصه بمعلمى جمهورية مصر العربيه لاستبيان

مدى نجاح تجربة الدمج فى النظام التعليمى بمصر من عدمه ؛؛ والذى يتمثل فى دمج التلاميذ من ذوى الفئات والاحتياجات الخاصه

مع اقرانهم الطبيعيين فى نفس الفصول والمدارس وتحت نفس ظروف التعلم للتلاميذ الطبيعيين وقد جاءت معظم آراء الساده المعلمين برفض كامل للتجربه وعدم ثبوت جدواها للتلاميذ

من الفئتين طبيعيين كانوا او فئات خاصه ونستعرض معكم الان بعض هذه الاراء كما جاءت على لسان اصحابها من معلمى

جمهورية مصر العربيه حيث صرحت الاستاذه نسرين محمد ابو هاشم فى تيار استقلال معلمى مصر بالاتى .. “افشل نظام ولابد من الغاؤه

ازاى طالب عنده قصور فى الذكاء او اعاقه ويدرس مع طالب عادى هل نفس طريقة التعليم الخاصه بالطالب العادى هاتنفع مع الطالب المعاق” ؟؟

وتحدثت الاستاذه دودو احمد فى تيار استقلال المعلمين قائله … “دلوقتى بقى نظام بالواسطة بتدخلوا طلبه عاديين مش معاقين ولا حاجة والطالب منهم مخه زى الفل

بس علشان عيالهم مش عايزه تذاكر ولاتتعب نفسها لان امتحاناتهم بتيجى تافهه وفى نفس الوقت طالب الدمج بياخد معاش من الشئون الاجتماعية ومفيش حاجة مفيدة فيه كله وسايط”

بينما صرحت هدير على فى جروب معلمى شمال سيناء .. “نظام فاشل و بيدمر الطالب نفسيا و فكره فى قمه العنصريه لانه بيفرض

على الطالب انه يتعامل باسلوب يفوق قدرته و بالتالى مش بيستفاد من المنهج نهائيا ده غير المشكله اللى المدرس بيلاقيها فى

صعوبه تقييمه للطالب نظام مؤذى بكل المقاييس” وقالت الاستاذه هدى عزازى صالح فى جروب معلمى شمال سيناء

“حرام عليكم والله البنات اللى كده بيبقو قاعدين فى وادى تانى غير وادى البنات الطبيعين ولا معاهم كراسات ولا بفهمو احنا بنقول ايه” .

وصرحت الاستاذه هوبه محمود فى جروب معلمى شمال سيناء ..”نظام فاشل بجد لان بعض لاهالى استغلوا النقطه دى

إللى هى الدمج وقام كل واحد مستوى ابنه ضعيف يحطه تحت كلمه دمج” . وقالت الاستاذه امال عنانى “نظام فاشل فاشل فاشل

لأن المعلم مفيش عندة وقت يشتغل فيه مع طلبة الدمج والعيال بتبقي تايهه بصراحه اتظلموا المشكله أن الأم والأب مش متقبلين

ان ابنهم يدخل مدارس خاصه بهم” وصرح الاستاذ نبيل ابو محمد ..”تلاميذ الدمج تحتاج مدرسين متخصصين مش

اى مدرس ينفع معهم وميكونوش مع التلاميذ الطبيعيين” كما صرحت ام محمد فى جروب معلمى شمال سيناء

“بأنه لابد من ذهابهم الى المدرسه الفكريه لان المدارس غير ملائمه

ولا يوجد الامكانات اللازمه لهم بالمدارس” وصرحت الاستاذه اميمه سويلم فى جروب معلمى شمال سيناء بانه “نظام فاشل وبيدمر

قدرات الطالب لان المدرس بيدخل يجاوب له كل الامتحان وبيلغى عقله تماما” هذا وقد وضعنا هذه الشريحه من آراء الساده

المعلمين امام وزير التربيه والتعليم والمسئولين عن ملف الدمج لعلنا نصل الى نتيجه مرضيه للجميع