استر ..يا هادي” بقلم الشاعره: زينب شبل”

استر ..يا هادي
مالها …… السنه دي
بشمالها …….داخلة
قاسية …. …وماعادي
ريحها ….وما ..راضي
وماسابش ……. نخلة

قولنا وف…. نهاية سنه سابقة
كفارة … وكسرنا….. …..قُللنا
جاي لنا دي ليه عامله مسابقة ؟؟
على مين هيموت واللي بيبقى
ميت وف حال…. يشبه.. حالنا

بقى بين تابوت وتابوت
بيفوت تابوت تاني
والناس… علينا …… نفوت
صبح ….. المسا … بتموت
وتسيبنا ………….. بنعاني

مسكانا في …جوفها بكماشة
هنفلفص منها نروح. على فين
ولا مفاجأتها …..على الشاشة
بتبكي الروح وتبكي العين

سنه داخله بتغلي وسال نارها
ع الروح والناس
رح تهرب فين ….من اقدارها
أو سنة الرعب ……واصرارها
توجع في الناس…. ل تطهرها
من دنيا ما تشبه ….ل نهارها
وسوادها ……………. لباس

بدأتها …..معانا…… بأعاصير
ماسابتش.. صُغير …. وكبير
كالمنجل… دايرة ….وبتحف
في حبايب وف ثانية.. تطير
ودموعنا .. عليهم ..ما تجف

ويوماتي.. كوارث .. وحرايق
وأشي دم يسيل… وانتحارات
وحاجات… بتبكي . وبتضايق
مابقاش. في قلوبنا.. الا اهآت

ماسابتش.. في بيتنا حبايب
لقلوبنا تسد. الجوع
ما سابتش قلوب بلا نايب
م الحزن سنين على غايب
ولا عين مش… بحر دموع

ماسابتش .. .ل روحنا .حنان
ولا حاجه.. بقت ….مطرحها
ماسابتش .. شعور….. .بأمآن
ولا راحه في……….. أي مكان
سنه ثايرة. و. واخده براحها

عدي يا دي السنه وإحنا عوضنا
في ..سنين .. جايين
تشفينا ……وتسعد …. أولادنا
ونعيش.. سالمين

عدي وخُدي شرك …وياكي
وادعيلنا ياريت
ننسى اللي .جرالنا وننساكي
مع كل الحزن اللي ملاكي
وإننا فتافيت

ويارب كملها
بالستر…….. ع المخاليق
وقلوب طول ليلها
ونهارها ………. حملها
فوق جهدها… 100 شيء.
_________________
بقلمي الشاعرة زينب شبل/21\3\2025