أحكي سرك .. بس ل أمك
واوعى قلبك…. للخسيس
تفتحو له وياخده … منك
ينشره ….ويصير رخيص
اشكي همك …….للي نصه
شايله فوق ضهره ل سنين
مش لناس … أبدا ما حسوا
باللي فيك ويادوب… يبصوا
ع اللي وياك في….. الايدين
مش كل الناس هتصون سرك
ولا كل الناس م النسمة .عليك
هتخاف وهتشرب… من مُرك
وتدوم لك……. مرشد يهديك
صحح أخطائك .قوم.. بالصح
مش بالأخطاء ..المتشابهة
وإن عدى الشر عليك قول بح
والغابة تغور ……. ويا ذئابها
كُن آمين على حق روحك
وأوعى حد يجور عليه
ولا يكسب من…. جروحك
مصلحة أو كام…… جنيه
واوعى سرك…… بيه تبوح
يوم ل تجار … الجروح
يجعلوه …سبوبة .. خاصة
وينشوره فوق….. السطوح
وفوقه منهم… ألف . قصة
متسيبش الناس ياخدوا ضميرك
هما يمشوه
ولا تحكم بالقول … على غيرك
من ناس كلوا لحمك مع خيرك
والعضم ..رموه
الاعيب الناس يا أبني كتيرة
والشاطر هوه……. اللي يفوق
ويدوس ع الشر……… والحيرة
بين قولنا وقالوا وع السيرة
وعلى… أهل… السوء
ياما ناس كات شبعانا وجاعت
وماغيرهاش
لا ظروف ولا أزمة ولا اتباعت
روحها ل نتاش
ناس شيك مع جوعهم وشبعهم
وبكل شموخ
واقفين يتحدوا ف….. اوجاعهم
وظروف مش….. عايزه تودعهم
ل يظلوا شيوخ
ناس.. نورهم. فيهم ….. رباني
من غير فواتير
ما طفاهش زمان زرعهُ شيطاني
ولا كوم أعاصير
____________________
بقلمي الشاعرة زينب شبل/29\3\2024
