((فراشاتي قالولي.)))
فراشاتي قالولي……إن حياتي
الجايه … نعيم
ده لأني عشقت ……كتير ذاتي
وعشقت الكون ….وابتساماتي
وبقلب….. سليم
مالهوش……… في نفاق
ولا فيه…………. أنفاق
بتودي في داهية البني آدمين
حرً ……..لا يتساق
ولا عمره اشتاق
ل قصور ولا تفرق له ملايين
يزرع خير وإن ….خاب و طرح
شرً.. أوام يزرع….. خيرات.
عوضه على الله حنون ما جرح.
اللي سنين على…….. ذكره يبات
رحلتنا يومين…..مش مستاهله
نوجع قلبنا في . صراع وصداع
ومناهدة سنين.. مع ناس جاهله
وعقول غرقانه ف …بحر ضياع
فوضنا أمورنا……… خلاص لله
والصبر عليه ……جايه جوايز
وكسبنا محبة ……. أهل سماه
ومحبة خلق….. الخير عشقاه
وأبو أنقى ضمير ….هوه الفايز
محتاجه روحنا …….. للهدوء
ول نسمة ..تشبه… للربيع
محتاجه تطلع …من دا سوق
تنسى ان شافت….. أهل سوء
و الغدر …و.الطبع…. الوضيع
محتاجه تروح دُغري.. جزيرة .
مفيهاش إنسان
وتعيش كام يوم .من غير حيره
م الناس والدنيا و…… م الجيرة
وتعيش في آمان
تعبنا ..أكتر ……….. من اللازم
وشيلنا فوق ….طاقتنا .. حمول
لازمنا قرار ……… يكون حازم
يليق …باللي ….. صبر ل ينول
——————-
بقلمي الشاعرة زينب شبل/9\2\2024
