أشهد إنك ربي
اللي ما غيره إله
واللي ما ساب يوم قلبي
صوته وعاش ف سماه
واشهد إن ……..ما غيرك
ليا سند ………. و ونيس
وإني بعيش … من خيرك
وإن خوفت أجري اشكيلك
من ظلم الكوابيس
واشهد اني كتير… قصرت
وأجمع صلاه على صلاه اوقات
بس ف قلبي وما …….اتاثرت
بزمان فيه…. العمر….. احترت
وصامدة وكلي… إيمان وثبات
كنت بتلمح دمعي…….السايل
وتصحيني ف …..عز النوم
على كام بشرة وأحلا رسايل
تفرح قلبي سنين مش يوم
أشهد إني ما شوفت….. آمان
غير وياك وأنا……. ع السجاده
وإني ما دوقت ف عمري حنان
غير وأنا بحكي معاك.. كالعادة
واشهد إني….. برغم ده سني
طفلة بقلب أبيض…… وبريء
دمعة ف عين الناس تحزنني
وفرحه ف عينهم قادرة تشيلني
من أحزاني…… وأنسى الضيق
____________________
بقلمي الشاعرة زينب شبل 18\10\2023
