“آه لو ما ….كُنتش يا وجع” بقلم الشاعره: زينب شبل

آه لو ما ….كُنتش يا وجع
من عند ناس.. ..غاليين
لا كُنت هسأل يوم ودع
ولا ماللي باع ولا مين جدع
ولا أصدق…………. الفناجين

ولا من تاروت……….. ل تاروت
أدخل واشوف بختي
ولا عمر مني…………….. يفوت
على …روح سبب دُوختي

ولا كنت…. قولت……… ياريت
ولا دمعي……. سيبته… يسيل
ولا عشت واحدي … ف بيت
والوحدة هدة حيل

ولا كُنت واقفت. ف وش الريح
ألف فتوة
ولا كنت ف يوم ضمن المجاريح
فاقده القوة

يا وجع… في…………… الروح
طول……. قوي ………. روح
ل مكان تاني
كده يكفي…….. جروح
والصوت …………… مبحوح
روح وأنساني

آه لو ما كنتش …..يا وجع
من عند……….. ناس غاليين
لا كنت . هسأل يوم … ودع
ولا ماللي باع ولا مين جدع
ولا أصدق …….. الفناجين
___________________
بقلمي الشاعرة زينب شبل/21\3\2023

كل عام وحضراتكم والأمة الإسلامية بألف خير
واسأل الله أن ينعاد علينا وعليكم هذا الشهر الكريم
بالخير واليمن والبركات
والقاكم بخير أول . أيام عيد الفطر المبارك