كتبت /أم هاشم العيسوي
متابعة / ممدوح السنبسى
ساعات بنندم علي علاقات في الأصل كانت مجرد طيش
نتمادي والشيطان يغوينا ونطلع خسرانين
ومحصلة كل معروف عملناه يطلع مفيش
انا اللي ياما كنت أحرم نفسي واتحمل
ولا عمري قدرت اخبي حبي او في طباعي أمثل وأتجمل
غلطت في حق نفسي كتير جايز ولكن لطيب أصلي وأخلاقي
ربنا يخلصني من الخطأ بكل لطف ويفعل زي ما يريد وزي ما كاتبلي وعايز تنسو كل معروف
وانا كان كل وقتي دمعي ع خدي وقاتلني القلق وكاويني الخوف
ملعون أبوه الحب لو لكرامتنا هيذل
الحب شئ جميل للي يقدره للي يعذر واللي يشيل وللي منا ما يمل
يبقي فيكم الغلط بس مداري واحنا عشان مش بنعرف نحور
تطعنو فينا وتطلعو عيوب عمرها ما كنت فينا
وانتو كنتو تطلبو وننفذ من عنينا
وتستغلو فينا واحنا بعمي كنا نخاطر
بوقت وجهد ودموع ومال
وسمعتنا برفقتكم والله اتعاصت
وبسببكم ياما رضينا بضيق الحال
بكينا عشانكم اكتر ما فرحنا
لا عمرنا اهناكم ولا عمرنا فيكم جرحنا
فعلا كنا معاكم والشيطان شاطر
نفكر بس نسعدكم وبكل غالي نخاطر
واللي زيكم ما يعرف النهايات اخلاق
وأقل ما فيكم يخدع في الناس
ولدور الحمل الوديع راكب وساق
بكره تشرب من نفس الكاس
خدتك علي عيبك ورضيت
ودا غلطي من الأساس
انا الهبله اللي كنت بطيبتي تستقل
انا الطيبه بزياده اللي عاشرت ناس متتعاشرش
ناس تخلي باللي أمن لوجودهم
واللي يطعنوه ويعدو حدودهم
انا اللي بقول مستحيل وقربكم شكرا ميلزمش
واوعو تفرحو بالناس اللي بتسقف
وبمغريات الحياه اللي بتيجي سهله
انا اكتر واحده أدري بخباياكم
والناس نعذرها لو بحقيقتكم جاهله
