“ع الفيس جايلكم……. برسائل” بقلم الشاعره: زينب شبل

ع الفيس جايلكم……. برسايل
وما يمنعنيش
لا ظروف .ولا دمع سنين سايل
ولا كوم خفافش

أنا دوري اكون في …الكون
الخير ..للناس ………والنور
مخلوق .مكتوب له … يكون
له أسمى وأطهر……… دور

بشفي المجاريح…. من اوهامهم
وبَزيح في هموم
من ع المخاليق وأمحي الآمهم
طوق .للمظلوم

من واجبي . اداوي . وما بعاقب
ابدأ غلطان
ولا ألوم ع الماشي …ولا الراكب
قطر الأحزان

وحياة في……. الدنيا ما جمعني
ببشر ياما
ما في شيء راح يقدر… يوجعني
وإن الأحزان………….. هتودعني.
والدوامة

أنا شوكة ف .قلب وضهر
اللي بيفتروا ع الناس
ايوه .. وهقهرهم ….. قهر
مع كل. شيطان خناس….

و أنا صاحبة……….. كلمة حق
والباطل ..ناوية ……أمحية
واللي… بيكرهني …. . يطق
له الكرما ………ما هتخليه

يتهنى…… ولا يشوف….. راحة
ف نهار ولا وحتى … منامه
صاحبة …. كرامات . بصراحة
واللي……. بيظلم …… ببجاحة
بيشوف ……. أسود .. أيامه

وأنا أم التوب…….. شبيه لوني
وروحي الصافية …….متحدة
مع اللي….. ما يخلفوا … ظنوني
ويصحوا من ..الحياة الجاحدة

وأنا أم الضحكة…… وحشاني
بقالها …. كتير
وأنا اللي ما ناوية اسيب جاني
سعيد على …….حس أحزاني
بصفو ضمير

وأنا……. بستعيذ ……… بالله
من كلمة أنا
أنا فرد…… تحت ……. سماه
مات وانكتب له حياة
ليكون…… بينكم ………… هنا
____________________
بقلمي الشاعرة زينب شبل 27\1\2023