“قالولي طب إيه العمل” بقلم الشاعره: زينب شبل

قالولي طب إيه العمل
______________
بقلمي الشاعرة زينب شبل
______________
قالولي طب إيه .. العمل
قولت العمل ..ف إيديه
قالولي فينك ….م الأمل
قولت اللي عايشه .. عليه

وحتى اليأس …. يا حبيبي
ما بَسمحلوش
يعدي ..يزيد…… في تعذيبي
واقول له دا جرحي وطبيبي
وما نسيتهوش

ومين غيرك حبيب. تاني
أحبهُ حب غير مشروط
ومين في القلب …قواني
وفيه صار له مدن وبيوت

ومين هفتح …….عنيا عليه
ولسه القهوة في الفنجان
ومين هَسرح ساعات في عنيه
واغزل له …الغرام .. ألحان

ما بنخترش …….الحُب يا قلبي
ولا هنشوف وهنعشق مين
وان كان حُبي دا لك كان ذنبي
عنه خلاص … كفرت .. سنين
_________________
بقلمي الشاعرة زينب شبل /22\12\2022