((لم لي العضم.. اللي باقي ))) بقلم الشاعره زينب شبل

((لم لي العضم.. اللي باقي )))
._________________

أوعى تنسى….. يا قلبي .لما
تنتهي ……… من ألف ربكة
وتبتعد ……. عن دنيا سامة
وألف قصة …..وألف شبكة

لم لي العضم اللي باقي
وحطهولي. ياريت ف قُفة
للي هيشيل…….. واللي باقي
ع الوفا…. وأخلص…. و وفى.

لم لي حيل هد…… حيلي
وقت ما تصفصف . عليك
دنيتك ….. و يا حلم ليلي
هتلاقيني .. بين…. إيديك

مش قولت لك
كتفي اللي.. هيشيلك ف يوم
مش قولت لك
ارمي الكاسات وأرمي السموم

مش قولت لك إن …. القدر
هو اللي جمعنا ..ف طريق
مش قولت لك… غض النظر
عن دي الحياة…..و.ما.تنتظر
خير من رديء

مش قولت لك..حكم ضميرك
في كل شيء راح تعمله
مش قولت لك ما تسيبش غيرك
يجور… عليك………… وتبص له

طب ليه اللي خد منك راقات ؟؟؟
وغدر…و سابك……… للدموع
لسه شايل له ……. الذكريات
مع إنه طفاك……….. كالشموع

ألف غلطة .وكل … غلطة
جايه.. لك تخليص .. ذنوب
جايه ل تطحك .ف…ورطة
توجعك………علشان… تتوب

كله قام …بالدور….. وزايل
وبمعاد… ..كان له…. محدد
مهما تخضع ……. أو تحايل
ولا للأحزان ………. تجدد

مسرحية ………… والبطولة
فرقوها …………على الرعاع
فيه اللي تانية…. وفيه اللي أولى
وإحنا من تقل……….. الحمولة
والوجع …..من دول …. ودولا
ضعنا مع كل……….. اللي ضاع .

الزمان …. جدد. … وجعنا
بس وحياة ……….قلبي لأ.
واللي فاكرين إن… …ضعنا
واللي…. فرحهم ……وجعنا
اهل باطل ……. وإحنا حق

لم لي العضم ……….اللي باقي
وحطهولي ياريت ….. ف قُفة
للي هيشيل ……….واللي باقي
ع الوفا …وأخلص……… و وفى
__________________________________

بقلمي الشاعرة زينب شبل /11/10/2022

.