ما تسألنيش
ف يوم ليه قلبك اتغير
كفاه تهميش .. له حق يعيش
يومين … من غير ما يتحير
💓
كنت بضحي بأحلى سنيني
واسجن نفسي وسيبتك حر
كنت بخبي الدمع ف عيني
وانت بتسقي ل قلبي المُر
كنت بفكر فيك و ناسيني
وقلبي بيبكي عليك ومُصر
💓💓
يعمي عنيا وإني ما اشوف
ف الدنيا دي الا أنت وبس
واني اغزلك نبضه حروف
وإني لغيرك عمري ما ابص
💓
كنت الدنيا وكل ما فيها
كنت الضحكة اللي بعيش بيها
قوللي عليا اسيت كده ليه ؟؟؟
وانت الروح اللي بعيش بيها
وحِلم العمر وعايشه عليه
💓
كنت الفرحة وبستناها
واما بتبعد عني يومين
بنسى الدنيا واعيش ف سماها
واستناك واليوم ب سنين
💓
كنت وكنت وكنت وكنت
اللي عليا ما عمرك هونت
كنت حياتي وقلبي وذاتي
هونت عليك طب ليه وكده خونت ؟؟؟
💓
بعت القلب الصافي الطاهر
اللي عشانك عاش درويش
وجريت ورا .أفكار ومظاهر
فاكر نفسك كده هتعيش ؟؟؟
💓
كنت بتحكي ساعات مع غيري
وبتقتلني سنين بالصمت
كنت بتعرف ايه ف ضميري
وبضحك امتى و أمتى حلمت
💓
كنت حاجات وحاجات وحاجات
ما يكفيها سنين حكايات
مليون آه من طعم الاسوة
لما تكون منك بالذات
____________________
بقلمي الشاعرة زينب شبل /15/5/2021
