قالولي قلبك استفتيه
استفتيته
قالولي ظالمك هتسمحيه ؟؟؟
قولت دا بيته
💓
قلبي اللي متربي
واتهنى على إيده
وبيجري ……. ويخبي
صوت نبضه في وريده
💓
وانا امتى قولت اني خاصمته ؟؟؟
او قلبي حتى عليه غضبان
دا هو بس اللي فهمته
وبصالحه لما يكون زعلان
💓
دا عشرة عمري وسنيني
ودنيا حلوه وحشاني
واطيب قلب يرقيني
وعيني تقول له عيد تاني
💓
واحشني كل شيء فيا
ف يوم….. شافه
وصورته لسه ف عنيا
و اوصافه
💓
زمان عِشنا ف زمان تاني
ف ارض النور
لا فيها قلب بيعاني
ولا قاتل ولا جاني
وكُنا بيور
___________________
بقلمى الشاعرة زينب شبل
14/5/2021
