“أحترت ياقلبي” بقلم الشاعر: سامي كامل

.أحترت ياقلبى.
حبيت واحترت ياقلبى
مش قادره ادارى ولا اخبي
وحبيبي حيرنى ف حبيى
وامتى يحس بيه
ويفكر مره فيه
ياقلبى اصبر شويه
لا تفضحنى عيونى…
وحبايبي يشفونى
على حالى يلمونى
ويقولوا والله اتغيرتى
واحاول اخبى
ودارى فقلبي
يقولوا دايبه
والله دايبه
وفالحب احترتى…
………………………..
واسأل عليه
ايه حاله ايه
يقولوا والله البعد كاويه
اتقل شويه
يصعب عليه
وارجع تانى واحن اليه
وجراله ايه
اشاور ليه
يشوف عنيه يدارى عنيه
وعنيه ياقلبى حيرونى
وحبايبى يشفونى
على حالى يلمونى…..
……………………………..
كنت مقبلاه
لسه وشيفاه
وأوام أوام اشتقت له
حاولت ادارى
فرحتى بلقاه
وغصب عنى ضحكت له
راح اقوله خلاص
قلبي بيهواه
وهواك ياحبيبي ارتحت له
وعشانك ترخص عيونى
وحبايبى يشفونى
على حالى يلومونى
ويقولوا والله اتغيرتى
احاول اخبى
وادارى فقلبى
يقولوا دايبه والله دايبه
وفالحب احترتى
………………………..