الدنيا بنت الايه
مش راضية تصفالي
والضحكة لو بجنيه
بالروح تبيعها لي
💌
واهي عيشه بالتيلة
ماشية و 100 حيله
والصبر بترجاه
ما يسيبني ولا ليلة
انده عليه و ما القاه
💌
يارب أنا علمي
إن انت رب قلوب
ماااا كتير عليك حلمي
وانا راضية بالمكتوب
💌
صبري غلب ناعسة
ولك مقولتش لأ
مين دا إللي راح يعصى ؟؟
امرك يا رب الحق
💌
أنا بس بشكي لك
عن نفسي اخف حمول
وباسعى احكي لك
واصدق ف كل ما أقول
الدنيا بنت الايه
مش راضية تصفالي
والضحكة لو ب جنيه
بالروح تبيعهالي
__________
بقلمي زينب شبل ١٩/١/٢٠٢١
