كلمات الشاعرة: ام هاشم العيسوي
متابعة: ممدوح السنبسي
الحب لو بني آدم كنت هعاتبه
بيزورنا من غير ميعاد
وحالف يسيب جوانا علامات ولا طلب منا مقابل ولا اشتكي من قلة راتبه
ووقت الهجر بيعمل ع نفسه حداد
وقايم بدوره كما يجب ولا حد عاجبه
ضيف خفيف الكل بيتمني وجوده
ولما بيسكن روح بيعمل منها جنه
ولا تعرف ازاي بيكبر ولا تعرف لفين حدوده
وقلوبنا في سكنته صاحبة هيبه وشنه ورنه
ووقت ما يصيبك هجر
تطلب منه يرحل بدون رجوع
القلب لو ع خلو سكنه بينسي عوضه والأجر
وبيكتفي يعبر عن ألمه بدم منه ف الدموع
الحب ساكن كل واحد فينا
ومن غيره ميقدرش يكمل
والاقامه بتهون جراح كتير أثرت علينا
ومن غيره لا تعيش بأمل ولا تقدر تتحمل
واللي بيتملكه الحب بتنفتحله طاقة قدر
وبيهوي الدنيا وبتحلي في عيونه
لا يعرف معاه خيانة عهد ولا غدر
وبيستحلي ف الحب مستويات جنونه
كلماتي/أم هاشم العيسوي
