جمال هيكل
قالت بسنت ضحية تحرش ميت غمر أنها تعرضت للتحرش انها تبلغ من العمر 23 عاماً وفي عامها الدراسي الثالث جامعياً وانها اثناء سيرها في شارع بور سعيد بمدينة ميت غمر مساء الخميس الماضي
وأكملت خلال مداخلة هاتفية مع الإعلامية لميس الحديدي، مقدمة برنامج “كلمة أخيرة”، الذي يعرض عبر شاشة من مدينة بوسطن “ON”:قائللة ” : 7 إتحرشوا بيا عملوا عليا دائرة ومسكوا كل حتة في جسمي وماعرفتش أقاومهم وحد من الناس روحني وتاني يوم عملت المحضر أتشجعت لما الناس دعمتني والامن ساندني والنيابة شجعتني وأنا بشكرهم “.
وواصلت : ” بس أنا دلوقتي خايفة اروح البلد بيهددوني بالقتل وإلقاء مياه النار على وجهي بيراقبوني في كل مكان تحت بيتي وعارفين كل تحركاتي والمحامي بتاعهم عمل فيديو “لايف “وطعن في شرفي وحدد مكاني الي كنت فيه وده دليل أنهم بيراقبوني .
وأكملت : ” عاملين حملة تشوية في شرفي على الفيس بوك وعاملين هاشتاج وأنا دلوقتي بطالب بالحماية التهديدات وصلتني من أكونتات شخصية لرجال أعمال وأنا لوحدي ومش قادرة عليهم ..وهددواصاحب العمارة الي بيقطن فيها أهلي وهيخرجوا من البيت بسببي وعاوزين يلفقوا لاخواتي قضايا “.
وأتمت : ” يرضيكوا أتنازل عن حقي ؟ لترد الاعلامية لميس الحديدي قائلة : ” إوعي تتنازلي عن حقك أوعي مافيهوش كلام “وردت قائلة : ” أنا خايفة اتحبس من حملة التشوية وأرجوكم إضمنولي الامان .
