بقت واحد من عندي تبعد أو تقرب
متابعة: ممدوح السنبسي
بقت واحد عندي تبعد أو تقرب
انا اساسا بقيت بحس وانا وياك كأني في بلد غريب كأني متغرب
مبقتش احس معاك بالأمان الكافي
مبقتش احس اني بعدي المواقف
وانا قلبي راضي أو صافي
مش هلومك ..
انتا كنت وقت غفله وضياع
ومواقفك اثبتتلي اني دايما جواك مكنتش بنشري بالعكس كنت تملي بتباع
فجأه بفوق وبركز في اللي جرا
اتاريني كنت بوهم نفسي بالظروف
كنت معاك وكل يوم اصحي ع كابوس
اننا بنبعد وبقيت من كتر الخوف
عايزاه يتحقق واهو تمام
خلينا نخلص من كذبه كبيره عشناها
جايز اخد فتره عشان اصدق
احنا ليه كل دا مشاعرنا بالغرور خليناها
وياريت قصتنا تكون من بعيد لبعيد عظه وعبره
أصله الاحساس بالامان مش اي حد يفهمه ويتحمله
وانا ممكن اكون ع الوجع صابره
ولكن اساس الحب لو مش تمام صعب نجمله
بشوية كلام غيرنا ممكن يقوله لو بالخداع
هاتلي واحد عاشق وعن مشاعره اسأله
ازاي يحب وفجأه يحس بنار جواه والم وصراع
واكيد إجابته هتكون ناتج خبره
وساعتها تتأكد إن اللي بينا كان مجرد أوهام
وان الحب مواقف بتقويه مش بالكلام
وان خلاص هفارقك ومش ندمانه
وحبي هيكون للي يستاهله
وفيه الخير وجواه يكون امانه
وانتا لخير حبي عمرك ما كنت من اهله
كلماتي/ام هاشم العيسوي
