تقرير /أيمن بحر
تقول الفنانة نشوى مصطفى ( أنا عرفت إن عندي كورونا يوم الثلاثاء الماضي وكان عندي أعراض من يوم الخميس اللي قبله وكنت فاكراها برد عادي وابتديت فعلا أخد مسكنات خفيفة ومخفضات حرارة وكانت الأمور ماشية ويوم الاتنين حسيت بألم لا يحتمله بشر في جسمي كله وفي صدري )
وأضافت: أولادي جابولي دكتور في البيت واكتشفنا أنها كورونا والدكتور كتب لي برتوكول علاج معملش حاجة ابتديت أتعب أكتر وجابوا لي دكتور تاني كتب لي علاج جديد، ومعملش حاجة برضه
( وابتديت أتعب أكتر وابتدى وشي يزرق وشفايفي تزرق ومبقتش قادرة أتنفس ولا أخد نفسي ونزلوا يلفوا على مستشفيات وكلهم رفضوا وقالوا مبناخدش كورونا وابنى كلم شكاوى رئاسة الوزراء واتصل قالهم والدتي حالتها صعبة وعندها كورونا وبنتى اتصلت بـ105 وقالت لهم أمي بتموت وعندها كورونا والاتنين سألوهم عن الرقم القومي والسن وسألوا نبعت عربية إسعاف ولا توصلوها، قولنا عربية إسعاف )
( ودرجة حرارتي وصلت فجأة 39 وشرطة بالمستشفى ووقفوا كلهم يعلقوا لي كمادات ومحاليل والأكسجين كان 84 وده رقم خطر وحاليا بيوصل لـ94 لأن أنا أصلا عندي مشاكل في الرئة وعندي سكر ودول مشكلة تانية )
واختتمت الفنانة نشوى مصطفى: مكنتش متخيلة إن كورونا بالدرجة دي.. أومال سكرات الموت هتبقى عاملة إزاي؟ وطالبت من الجمهور الدعاء لها
