متابعة : ممدوح السنبسي
كنت بعتبرك املي وضلي
ولكن اكتشفت ان حبك ضياعي وذلي
يالا تغور كل الايام اللي كانت معاك غش
دا انا كل اما افتكرها نفسي تهون عليا بمعلش
انا مش حاسه ولا هحس بالندم
انا هعتبر اللي فات صدقه والحب بينا اهو انعدم
انا خلاص مبقتش اتحمل النفاق
وكل اللي بنيته باخلاصي اهو في ثواني انهدم
مش هقول اني مش زعلانه
انا بس بستغرب لمين كنت بلهفه بشتاق
وانتا طبعك كله غدر وخيانه
روح يا شيخ ربنا ع قسوتك يجازيك
وانا ربي قادر بالصبر يعوضني
دا انا ياما مع الظروف كنت بتحمل واجاريك
اتاريك طلعت جبل غل ملوش نهايه
هقف في وشك بكل قوه والسماح مش هقبله
والوقت قادر يداويني ودا كفايه
والعمر بينا والوقت هسأله
يخلص قلبي اللي راح أوام هدر
وافتكر انك بدأت وانك من غدر
ويوم ما هتندم هقولك اسفه
واني ألين للحجر والسماح ليك قوانينه صبحت تالفه
واني اعاتبك..لا ..انسي العتاب للاحباب
وانا حبايبي مش قله عشان تبقي انتا منهم
انا اللي طلعت بيه منك العذاب
وهما ياما نصحوني لما اتهد حيلهم
واديني عرفت معني القافله تسير وتعوي بس الكلاب
كلمات الشاعره الكبيره الأستاذه / ام هاشم العيسوي التي نريد تكريمها نظرا لشعرها الجميل المتواصل
