( كفياكو ) بقلم الشاعر ابو رامي الاسواني

( كفياكو )
كفياكو يا خلق تعبتونا
وجعتو دماغ اللى جابونا
كدب وحوارات
فكرنا الهم خلاص سابنا
اتاريه بيعشش ف ابوابنا
ساكن ويانا ومتعايش
بقي واحد من ضمن اصحابنا
والصاحب اصل ماهوش عيره
يسند ومالوش ف التسعيره

لا سعدنا
ولا عيشنا ف يوم راحه
مبسوطه يا دنيا ومرتاحه
كدابه وكدبك مالى الكون
مجنونه وسايقه علينا الدور
والقلب صبح فيكى مبتور
يا خاينه وكلنا عارفينك
ملكيش ف الحق والله امان
يا حزينه وحزنانا معاكى
ليها اخر طيب وياكى
ولا لسه عايشه علينا الدور

ومن السعادى هقولها عادى
واللى باعنا نبيعه عادى
واللى شاف علينا حاله
هزيد وياه برضو عنادى
ايوه عادى

نبيل ابو رامى الاسواني
٢٠٢٥/١/١٤