( الف كف ) بقلم الشاعر: ابو رامي الاسواني”

( الف كف )
الحكايه مش جديده وايد عنيده
ب الف كف
تلف لف كل الدروب
والاهات تزيد وتعلا
يلا نعلا بالغنا ونلم بعض
نفرش اهاتنا ف الخلا
ونسمع لصوتنا اللي انجلا
ونسلي حتى السهرانين
ونشيل منهم تعب السنين
ونقول امين للي سند
أو حتى حس بقربنا
ومد لينا ف يوم مدد

يااادي الولد
ماسك ف حبال الهوى
دابت ف ايده
وهو قلبه اللي انكوى
زادت سنين غربته
وزاد الأنين
فين الخوالي السهرانين
يشوفو القلب اللي اتوجع
كتييييييير وجع
ولا حد حس بحرقته
ولا حسوا الجرح اللي ولع

نبيل ابو رامى الاسواني
٢٠٢٦/١/٨