…………………………………..ودى الحقيقه………….
وعدت سنين كنا لسه صغيرين
وردتين عالدنيا لسه مفتحين
وحب طاهر أتولد مابين قلبين
حب افتكرنا لحظه يعيش سنين
وكبرنا وكبرت الاحلام معانا
ورسمنابيتنا عالورق يحضن هوانا
والدنيا فاتحه قلبها بالفرح وخدانا
والحقيقه من زمان ونفسى اقولك الحقيقه
ف أخلاصى لك ولحبك ماكنتش جريئه
ماكنتش أملك حتى القرار ولو دقيقه..
ودى الحقيقه…….
…………………………………
مابعتزرش ولاهادى لنفسى تبرير
ولا بطلب منك شرح وتفسير
كل الحكايه ماكنش بأدينا التغير
الحياه فرقتنا وسلمنا بالمصير
وعشنا دنيا غريبه ملهاش طعم
النهارده زى بكره من هم لهم
وتمر الايام ونتلاقى
والجرح لسه ماتلم
الحب الاول ف قلوبنا
يسرى ف الدم
الحب البرئ جوانا
عمره ماكان مجرد وهم
ودى الحقيقه
من زمان وانا نفسى اقولك الحقيقه
فأخلاصى لك ولحبك ماكنتش جريئه
ماكنتش املك القرار ولو دقيقه
ودى الحقيقه
……………………………………………..
