يا صانع القلوب
قلبي تعب من كتر المأسي
لوتقدر تداويه م الجراح
وهاتلي قلب … مقاسي
كان قلبي كبير وبراح
يساع القاصي والداني
مليان حب ورضا وسماح
لكن قلوب الناس شكل تاني
فيها اللي عنده احساس
وفيها اللي قلبه أناني
واللي عنده داء الغدر بيعاني
علق قلبي بحبه وعمل ناسي
و فيه اللي قلبه سواح
غريب بيدور على الحنيه
واللي قلبه كما الملاح
مركب بلا مجداف
ولا مايه
وفيهم اللي قلبه
من الغرام خالي
واللي قلبه من العشق داب
أسمع آنين قلبه
آهات تدوبني
يا صانع القلوب
اشفق على حالي
قلبي بقى مكسور
من كتر الأسيه
محتاج دفى وحنان
وايد تطبطب عليا
نزلت دموعي على خدي
نار بتكويني
ياتشوف لي قلب جديد
وتبروزه بحديد
ويتحمل هوان وأذيه
يشيل أطنان
من الاحزان
وشويه من الفرح
يعدلوا الميزان
والدنيا ديما كدا
تيجي على الغلبان
واللي بيرضا بالنصيب
يلقى من ربه المحبه
والرحمة من عنده تكفيني
#بقلم_حنان_محمدعبدالعزيز
