انا المصرى
انا المصرى اللى عايش راجل وهايموت راجل ومهما كانت الظروف لايمكن اعرف طريق الخوف انا عايش فى بلدى وحاسس بالأمان
اطلع الصبح بدرى وقبل مااروح شغلى بعدى على عم فهمى بتاع عربيه الفول واقابل زمايلى ونتلم كلنا ونقسم اللقمه بينا
انا المصرى اللى فى وقت الشده تلاقينى اول واحد فى الصف
اتبرع بروحى ودمى
انا المصرى الفلاح اللى بخاف على اهلى وناسى واترمى فى وسط النار بكل حواسى
تحيا مصر مش مجرد كلام داهى الروح والقلب والوجدان
مصر طول عمرها بتقابل الأشقاء وعمر بابها ماتقفل فى وش حد
انا المصرى اللى عمره ماباع ولا خان ولاعمره هان
بحب بلدى بحلوها بمرها بكل مافيها لأنها الضهر والسند
هى الوطن اللى عايش فيه ومن غيره ماليش وطن .. علشان كده هاتلاقينى دايما مع جيش بلدى بسانده وبأيده فى كل شىء
انا المصرى اللى ف رمضان تلاقينى وقت الفطار واقف مستنيك فى الميدان وفى الشارع واقابلك بابتسامه وقولك رمضان كريم واديك شويه مايه مع بلحه علشان تفطر بيها
وبيكون معايا اخويا جرجس وحنا وبيشوى واقفين معايا وف انتظارك على نار
انا اللى بروح اعزى فى الكنيسة علشان اخويا جرجس مات
انا المصرى اللى هافضل دايما وطول العمر ااقول
انا المصرى
