لحظة عناد. عامية
…………………
أقول إيه وانت كلك عناد
مرة تنسى و مرة تقسي
قلبك واخد علي البعاد
أفرح لمّا اشوف عنيكي
وطول عمري ونا شريكي
وانت بعتي بينا الوداد
ضعيت عمري ع الأماني
عشمان ترجعي لي من تاني
لكن اخذتي علي السهاد
ساهلة قوي كلمة بحبك
توعديتي هبقي جنبك
بكرة تنسى كل حاجة
تنسى الدعا ويا العبادة
مسيرها نار حبنا بين
ايديك تصبح رماد
أتعودت ديما اعرف ازرع
بذور الشوق بينّا تطلع
و انت اتعودتي ع الحصاد
كل ما ألقى يوم فرحة
علي جبين الفجر طارحة
القاكي ديما شادة الحداد
ابسط ما فيها تودعيني
تشوفي غيري. واتبعيني
تقيدي شوقي و يا حنيني
و تقبريني في لحظة عناد
لحظة عناد … عامية شعر عبدالرؤوف أبو سلوان