رساله من عبد مطحون
يارب انت القوى والعدل فيك معروف
وعبدك اللى اتظلم فى الارض بيك منصوف
دا أنا جيبى ضاق واشتكى من قله المصروف
وبنطلونى الوحيد من كتر مابيشوف
حكم عليه الزمن يعيش ذليل مكسوف
اما القميص من منظره البؤس باين فيه
ولما باخ حبيت فى يوم اكويه
وديته للمكوجى قعد يقلب فيه
قاللى يامحترم واجب عليك ترميه
القرش اللى هاتدفعه والله خساره فيه
والجزمه طار نعلها والكعب قام مخلوع
مافضلش غير وشها حتى اللسان مقطوع
بتمنى الخير يعم عليا علشان اعيش مبسوط
والرساله تكون كامله من عبد اكيد مطحون
