……بأى منطق قولولنا…..
لكل النشطاء والحقوقين
المغيبين منهم والممولين
رجال الصحافة والاعلامين
العملاء وتجار الدين
انصاف الزعما والسياسين
كفاكم تهكم وتلسين
وبوسوا اديكم الاثنين
أحنا فبلدنا عايشين
وفأشغالنا موجودين
وف بيوتنا مستورين
أكلين شاربين نايمين
وعلى اولادنا مطمنين
وف جنودنا واثقين
وتقولوا علينا سلبين
داخل بلدنا متكتفين
من الحرية محرومين
…… …… …..
الحرية ياسيدنا طبقوها
فعراق وسوريا وخربوها
وليبيا ياحسرة دمروها
كدبة وشعوبنا صدقوها
ديمقراطية قال بينشروها
والبعدا وراهم يرددوها
عايزين فمصر يطبقوها
والنية كانت يقسموها
ولادنا وشبابنا يشردوها
ياخدوا بناتنا يمرمطوها
فسوق النخاسة ويبيعوها
بس قادتنا كشفوها
صانوا بلدنا وحاموها
لموا الحسالة ورموها
خارج بلدنا ونظفوها
….. ….. ……..
بأى منطق قولولنا
ازاى نخرب فبلدنا
ولية نقتل فجنودنا
لصالح مين ياخونا
اصحوا شوية وفوقولنا
تعاطى الكيف ضيعنا
لونهدى شوية وفكرنا
مافيش بلاد هتقبلنا
العالم دلوقت كارهنا
من فتاوينا ومشايخنا
اعمال همجية بتفضحنا
ولولا المولى حارسنا
وحامينا من شر اعملنا
لاكنا ضيعنا بلدنا
ولاكانت ديارنا ولا كنا
…………………………………………
