من اسباب 25يناير الفقر الشديد فى بعض القرى والنجوع مما ادى الى انتشار ظاهره زواج المتعه والمحدد المدة والقاصر لرجال مسنين ولكل من يمتلك المال
.ياخسارة بناتنا..
ياخساره بناتنا باعوهم بالدهب
مش قله فلوس ولا قله عتب
مش قله جواز ولا قله نسب
دى قله حيا وقله ادب
…. …. …. …
أسئلوا السفاره فى بلاد العرب
اسئلوا الصحافه وكل من كتب
اسئلوا الضحايا تعرفوا السبب
ياخساره بناتنا باعوهم بالدهب
……. …… …. ……
قمره ونورها شباب
قدمها كثير احباب
غلابه وطيبين
فتوهم ليه عالباب
وجريتم ورا اغراب
ف لحمكم بايعين
اصحاب العزب
ياخساره بناتنا باعوهم بالدهب
… …. …. ….. …
ياخساره ياعين ابوكى
بتوكيل وباعوكى
وعيونك شردين
فالغربه فاتوكى
لا اختك ولا اخوكى
والشكوى لمين
ومين السبب
ياخساره بناتنا باعوهم بالدهب
……. ….. ….. …….
ياناس ياخونا
المنظر يخدعنا
وحنا مش حاسين
بهدايا يفرحنا
وبننسا روحنا
ولا نسئل ده مين
هاتشوفوا العجب
ياخسارة بناتنا باعوهم بالدهب
….. ….. …. …… ….
ياشئون يااجتماعيه
دى جريمه وطنيه
فايتنها لمين
دى جريمه حاربوها
بأديكم تحدوها
ولامتى نايمين
ونقول دول عرب
ياخساره بناتنا باعوهم بالدهب
مش قله فلوس ولاقله عتب
مش قله جواز ولا قله نسب
دى قله حيا وقله ادب
اسئلوا السفاره فى بلاد العرب
اسئلوا الصحافه وكل من كتب
اسئلوا الضحايا تعرفوا السبب
ياخساره بناتنا باعوهم بالدهب
……………………………….
