وايه اخرت سكاتك ؟
( أحمد )
وايه اخرت سكاتك
وامتى الليل هيعدى
بستنا الفجر فى عينيك
وحاطط إيدى على خدى
قتلنى يا ما سكاتك
انادى عليكى ما تردى
فى قلبى دايما شايلك
ويردد إسمك نبضى
انت اللى شغلانى
وواخدانى منى لحدك
يالا هاتى ايدك فى ايدى
وكل الصعاب نعدى
احضنى كفى فى كفك
يسافر الدمع من عينى
يطرح الفرح من بسمك
ويطلع ل ليلنا نهار
ازرع الورد على خدك
واقطف من الفجر نجماية
اجيبلك القمر فى كفك
واهديك فدان سعادة
يغار القمر من رسمك
يا سر ساكن ضلوعى
اكتبلك عمرى مهرك
يا قمراية و شمساية ضلاية
الليل بطوله اسهرلك
احكيله الف حكاية
ويرتاح شوقى فى ضلك
** أحمدابراهيم**
26/7/2019
