…مجرد رأى..
أيه اللى بيحصل ده كل يوم والتانى القبض على احد المسئولين وهو يتقاضى رشوه
والمصيبه
أن ماحدش بيتعظ عارفين ديتها سنتين تلاته ويخرج بيه بعد نصف المده بعد مايكون هبر الملاين يابلاش.
…لوكانت القوانين رادعه وتصل الى السجن المؤبد او الاعدام كما فى الصين وبعض الدول كان المرتشى هايفكر بدل المره عشره قبل
ان يمد يده .لكن دى بقت موضه شغالين فيها من محافظين لتسهيل بعض المصالح وقضاه لتخفيف الاحكام على المجرمين
الى رؤساء احياء ومهندسين لتسهيل عمليات البناء المخالف فتجد فى معظم حوارى مصر التى لا تتعدى اربع امتار تبنى ابراج
ارتفاعها 12دور فاكثر وللاسف انتشرت هذه الظاهره فى معظم احياء مصر والمبانى الجديده التى تتكون من دورين تلاتنه او الفيلات
يجلها امر هدد لتصبح ابراج شاهقه والبيوت القديمه والمتهالكه لو ماظبتش المهندسين يقولك ازاله دورين او تنكيس
يعنى يخرب بيت صاحب العقار اللى مابيلمش 30جنيه والموظفين اللى شغالين فى الضرائب او الشهر العقارى او العوايد وغيرهم
لو ما راضتهمش كويس مافيش حاجه هاتخلص بالساهل…لابد من احكام صارمه ومعلنه ففى بعض الدول المسئول
المرتشى يضعوه فى احد صناديق الزباله ويلفوا بيه البلد قبل ان يحكموا عليه بالسجن المشدد ..أحنا عندنا يقعد فى الحبس الاحتياطى
اكل وشرب ومهيصه سنتين ثلاثه وبعدين يتحكم عليه بسنتين ثلاثه يكون قضاهم فالحبس الاحتياطى ويخرج سلطان زمانه
وحرامى على كبير …ياريت الرقابه الاداريه تشد حيلها شويه كمان والقضاء يغلظ من الاحكام يمكن المرتشى يختشى والظاهره دى تقل شويه…
