((((((العشرة )))))
فيه عشرة مافيها ملح وعيش
بتطمر أقوى …….وبمسافات
عن اللي بيكلوا تورته وشيش.
و واخدين …ع الكرم بقشيش
ومن يفهم .. يعيش في ثبات
تعرف فُلان؟؟ …..ايوه اعرفهّ
لو ما عاشرتوا …ما تعرفوش
ياما ناس جميله ….ويخطفوا
العين …….وفيهم ….يوصفوا
الخلق ف…. قلوبهم . وحوش
حكمة ….ومنها…… هيستفيد
كل اللي له الشكل كيف
واللي بيحكم ……..من بعيد
على ناس ..هدية ف كل عيد
علشان سمع كام ..كلمة زيف
هما ……العوازل……. والعِدا
هيقولوا ايه مظبوط ؟؟؟
ع اللي الحياة .. عاشها برضا
مهما تكون …… كده او كده
وسايبها …………عمر تفوت
الدنيا دروس ….. بس الفايز
هوه اللي .بيقوى على دروسه
وبخيله..و..ما بتدي . جوايز
للي ما يسعاش………ولا للعايز
ينعس .وعليه تمشي. تدوسه
___________________
بقلمي الشاعرة زينب شبل/14\12\2025
