((طول ما أنا وياك يا إلهي)))
طول ما أنا وياك … يا إلهي
هقلق واخاف …من ايه ؟؟؟
ولا 100 شيطان …واللهي
يقدر ع اللي ماهوش ساهي
عن ذكر . .إلهي …..وجاهي
والصلاه ياللي ..سنين.. لاهي
ولا ع اللي …… تُكاله عليه
عاوزيني ..اجيلك…….. عادي
مرحب …بي لقاك. يا حبيب
واهي فرصة اشوف اجدادي
اللي ما هيخلوا ……..أعادي
يتهنوا وقتل ………البادي
بالشر… وكله ….. نصيب
مرحب بحياة مش….. معيوبه
مفيهاش … أشرار
مرحب بحياة مش…. مغصوبة
على عيشها وموت يجي 100 نوبة
من 100اعصار .
مرحب بالجنة … وده مكاني
طبعا عارفاه
و وداع يا ..دموعي وأحزاني
و وداع ..يا خواتي ويا جراني
موعوده اعيش .ف مكان تاني
أخضر محلاه
و بلاها الدنيا اللي…. اذاها
فاق حده وزاد
والخلق اللي ..بترمي .بلاها
ع الخلق ونسيت ….مولاها
ودول عنه بُعاد
اهلا بالآخرة .. . ولو صحرا
مش أرض نعيم
يكفينا ……هنرتاح م السحرة
وحكاوي معاده .. ودي النحرة
مع ألف .لئيم
اهلا بالسما .والهوا …والريح.
الصافية وفيها هنا .وتفاريح
وحبايبي اللي كتير وحشوني
اهلا بضماير ..قولها ..صريح
بتخُش القلب بدون تصريح
وعليهم ما بتغلى…… عيوني
_________________
بقلمي الشاعرة زينب شبل/22\11\2025
