(((قبل الصحوة)))
.قبل الصحوة.. مفيش. ادارك
وماهيفيدش. عتاب……. وملام
ولا هتشوف مع مين في عراك
ولا مين شره قريب…… و وراك
ولا ايه حلال و لا ايه اللي حرام
قبل الصحوة ملاك……مسكون
بشيطان طاغي وصايبه جنون
وانتى المعمي.. وسايبه يسوق
ل يدوس كل جميل في الكون
ويجملك ………. أهل السوء
خلاك فيك .متشوفش عيوب
وإنك تظلم ناس….. على حق
وإن تشيل…. 100حمل ذنوب
وتشوف باطل ……ما تقول لأ
انت ظلمت ..سنين…… واذيت
وأنا بسماحة …..قلبي رضيت
بالمكتوب لي … …وبالمقسوم
عمري ف مرة ما قولت ياريت
ولا على قدري…. يصح ..الوم
عشت اغزلك ..عمر حروف
منها حنان وكتير إرشاد
لأجل تفك… عينيك وتشوف
وإن تكون أقوى… من الخوف
وإن الماضي…… بلاش. ينعاد
شوفتك ملاك …رغم سكوتي
ع الدنيا والأيام والناس
وفاجئتني.. بتسعى ل موتي
وسنين تحجز ……على قوتي
وإنك ما فيك ريحة الاحساس
جلبت شيطان… سنين كابس
على روحنا وما .ساب مستور
يعيش وسط …..العباد.. لابس
في دنيا المكر….ّ…… والعابث
بشره في……كل……. أهل النور
يوم ما تفوق .رح تخبط راسك
ف أقرب حيط وهتلعن كاسك
اللي عماك……… عن شر . سنين
واللي اذاك ل تضر…. في ناسك
وتكون مش…… م البني. آدمين
مش هتطبطب…ع اللي اذاك
واللي سنين فكرته حبيب
ولا رح تدبح….. قلب….. ملاك
مُرك شربه .وهو …. .هداك
حلوه وعمره ف يوم ما عداك.
ولا يوم….. منه .سمعت العيب
كان سهل وأسهل…. منه مفيش
البُعد وأبني ما بينا جدار
و أسعد بقلبي وأحب. واعيش
واختر مسار … من ألف مسار
رديت الوفا ……..بالجفا مرات
وأنا أقول رح يصحى من الغفلة
وهيفهم إنه ف …..حرب حارات
وإن إحنا كاروح. في جسد أموات
وف دايرة…….. علينا سنين قافلة
____________________
بقلبي الشاعرة زينب شبل/19\11\ 2025
