وبنحلم… ننعم ….بسلام
وأمان بيه نصحى وفيه نبات
وحلاوة … تحلي….. الأيام
قلبي يا شبعان صبر… وحرمان..
وعايزني اطاوعك……. وأستنى
اهدي اللي.. يبيعك ….بالنسيان
وافرح .. بشبابك…… واتهنى
حرام روحك تكون…… صافية
رصيدها .. الحب …..والطيبه
وفوق ده الشوك تدوس حافية
دي نار الظلم…….. فيك كافية
تودع .. خمس ميت…….خيبة
دام الولاء …………. دام الوفا
وما خدت شيء
غير برد نبضك…. ..بيه اكتفى
عمر وما ……..حسيت بالدفا
ولا ليك ….صديق
مستني تشيب. وما تلقى حبيب ؟؟؟
يرضى إن يادوب يعشق روحك
مستني تعيش ف الدنيا غريب ؟؟؟
مع ذكرى تجدد…. في جروحك
.
ما تحب تاني…… وتحب تالت
هيجرى ايه
ما الأولاني………خلاك تعاني .
وكان ………………..أناني
الله يجازيه
100 قلب عليك…… عمر ينادوا
وأنت الإخلاص
يتجدد فيك قبل……….. ميعاده….
وعليك ترباس
قوم دق …ياقلبي. وحب….وعيش
قوم حب ربيعك ……. متقوليش
إن إحنا هنبقى…. بكده ….خاينيين
أخلصنا…… ورد الوفا…… تهميش
وإحنا الصابرين ع الحال ده سنين
_____________________
بقلمي الشاعرة زينب شبل 23\8\2025
