هوه أنا قولت لك إن أنا كرهاك ؟؟؟

هوه أنا قولت لك إن أنا كرهاك ؟؟؟
علشان ما تروح للسكة دي
يأبو عقل في بحر الوهم رماك
وضمير حيرته… سنين .. وياك
بين شر وخير….. اخرتها عماك
وصبحت ….لنفسك بتعادي

دي الصراحة …. آخرها راحة
وإحنا ليها المحتاجين
ليه نكون روح ..مستباحة
للي صار همه …… الاطاحة
بيها ولصوص…. كداااابين

فوق ياللي معاشر…. ألف لئيم
وشورتهم زرعة حصادها دمار
وهموك لتعيش تحت التنويم
ميت مأمور……. من جن رجيم
وتلف في دايرة سنين محتار

مالك بطريق …مظلم سافل
نوياه في… الأصل إن تضيع
م القلب…. المخلص… والقافل
على قلبك ..ياللي سنين غافل
ع الدنيا …وعن ألف .وضيع

جرامين الخير اللي ف روحك
قلقينهم ….بيصبوا …فوقيهم
الشر لتسبح ……في جروحك
ويشلوا …. .لسانك عن بوحك
وما شيء غير موتك يرضيهم

عود ل أصلك…….. ولجذورك
وارمي بإيديك اللجام
الشرور.. دورهم ..ما دورك
ليه تسيبهم….. يطفوا نورك
عود …ل بوابة ……السلام

شوفت ف عينيك حلم الصبا
مع نسمة صافية…… وموهبة
مع خير شبيه خيري
لي في دي ….الحياة المرعبة
عايشين……. بروح …متعذبه
يا دنيتي ….. وطيري

يا قيمة وقاما ..يكفي وعيب
تضيع في الدنيا …من نفسك
وتغرق ..وسط…. كوم أكاذيب
دا أنا النص اللي… أصله حبيب
وعون مش….. جَي ل ينافسك

تحية . يحيطها……….. إعزازي
لقلب…… شايفني … بالمقلوب
وأنا اللي بشوفه …… أستاذي
و وطني …وأهلي ….وملازي
وشمسة…. عمري .بعد غروب

_____________________

بقلمي الشاعرة زينب شبل/27\6\2025