((خطي وادخل عمق .روحك)) بقلم الشاعره: زينب شبل ‘

((خطي وادخل عمق .روحك))
خطي وادخل عمق روحك
وانت تعرف كل شيء
في الحياة وبلسم جروحك
مش ف حزنك أو ف نوحك
أو طريق …غير ده الطريق

يتكمل…. نومك…… ومن .اليوم
أنا هعشق نفسي واخُدها تعيش
كده نفذ الصبر…. ونفذ…… اللوم
من قلب لواحده سنين ف غيوم
منسي إنه……. بشر من…. حقه يعيش

يكفينا … كلام …. وحاديت
مش شبه …الفعل ف شيء
يكفيها سنين حواديت
روح ساكنه جسد….. فتافيت
مع قلب ……مالهش صديق

دنيتكوا .إن دامت ع الحال ده
يلزمها وداع
أنا روح هتعيش.. حرة وخالدة
مش للبياع

أرضك ل سنين… بزرع فيها
وكأنها ….بور
مش لاقيه ثمار لأجل….. اجنيها
ولا لاقيه العمر ….. وضاع فيها
ولا لاقيه بذور

من أمتى يا دمع..حزين. سايل
من قلب بيسألني سنين
من أمتى المقتول……. بيحايل
القاتل واللي…. مازال…… شايل
100ذنب وفيه.. سوى ..هوايل
بتبكي الروح . قبل .العين

بنسامح …إلا…….. ف كرامتنا
اللي المفروض…. من كرامتكم
100الف إشارة في كلمتنا
بتقول…… دنيتكوا…. ودنيتنا
حكمها لا بإيدنا….. ولا بإيدكم

100الف……. إشارة وياخسارة
ع اللي ماحسوش
باللي ما سلموش من 100غارة
ومازالوا في عتمة دي الحارة
نورهم…… بيفوق أي ….. إنارة
وماينكسروش
_____________________
بقلمي الشاعرة زينب شبل/18\5\2025