يااااااه ع اللي شوفته من المدن
ومن الحياة
ده فصلي…. روحي عن البدن
والقلب تاه
ياااالهوي يااااااااامه
ما تسيبلي يابا
حضن…….. أمي ضمة
أنسى الديابة
وأنسى إني شيبت من البشر
ومن الزمان
والشعر ….طقطق وأنتشر
لبيييض وبان
سيبتوني…… ليه سيبت البلد
وجريت على بندر
شاب في الرضيع قبل الولد
من ناس بتتغندر
عارفه ياما أنا…. شوفت ايه
من بشر غاويه المظاهر
عندهم…………. ياما الجنيه
أغلا من…. 100قلب طاهر
مش كنا زين عايشين سوى
وطموحنا نملا القُلتين
وسط ..الطبيعة وده الهوى
وجراننا…… أهل وطيبيين
ومعانا…….. الراديو أبو حجارة
وبنسهر مع حفلة .. سومة
مع كل جيراننا في دي الحارة
وبنفرش ل ولادهم نومه
ارجع يا زمان بقلوب حنت
ل زمان مفيهوش
إلا قلوب صافية وما اتمنت
غير عين ورموش
يقطع ده …..البندر وسنينه
مال كفر الشيخ
بلد الأحباب…….. واللي حنينه
مش سايبه وقابض على دينه
لو في المريخ
____________________
بقلمي الشاعرة زينب شبل /4\11\2024
