وأهي ..جفت… الأقلام
وأغلقت ….صفحات
ناس كان ضميرهم سام
ومؤالفين ………. روايات
عشان الحق………. كان لازم
يلف ويجي……. ل صحابه
فكان حكم القدر …. حازم
على اللي اتجنوا … واغتابوا
واللي كذب ……. واللي مكر
ع الخلق بالباطل
صدق شيطانه ……. وافتكر
نفسه إنه مش قاتل
وان السما ……غفلت.. ما شافت
ايه كان بيجرى من ورا الكواليس
وإن الضماير……….. لو ما خافت
من ربنا محمية ……. من إبليس
وميعرفوش.. إن الحزين باكي
وبيدعي ربه ف.. وقت كل صلاة
آه يا عدالة الله…. يا محلاكي
وأنا عمري مانسيتك وعهد الله
___________________
بقلمي الشاعرة زينب شبل /28\7\2023
