وايه يعني لو الف مره نتساب

وايه يعني لو الف مره نتساب
كلمات / ام هاشم العيسوي
متابعة / ممدوح السنبسى

وايه يعني لو ألف مره نتساب
ما لو كان لينا نصيب كنا اتحطينا في العين
وايه يعني نتفارق وبدون أسباب
كنا نحافظ ونطبطب ونقول حاضر وأمين
مش كل اللي تحطه في قلبك هيشيلك
وقت الزنقه والحوجه
لو هجرك هيريحهم فكمل جميلك
واللي ما يشاركلك وانتا متضايق
اوعي تقاسمه فرحك
ولا يلزمك وانتا فرحان أو رايق
ما السنين هتعدي بكل ما فيها وماله
لو كانت بتنفع الفلوس
كانت دامت ولكن ع رأي المثل
يروح المال ويفضل القرد علي حاله
ومن عنا أدار وجهه واستغني
فنحن بالكرامة أغني وأغني
كان ليا زمان صديق في الروح والدم
كنت اهتم به وبتفاصيله
ولو زعلت وروحت أعاتب يقولي فارقني
مش ناقصه تعب وغم
كنت الايد اللي تسند والكتف اللي يشيله
كان شايف حبي شئ مضمون
كان يتعب وأشجعه يشد بالله حيله
أتاريني لا طلعت غالي ولا عزيز
وفجأه صفيت لوحدي أبكي من الفرقه
وربك عالم بكل اللي أديته
وملاقيتش تقدير ولا مقابل
كان اعز من روحي وياما فديته
والدموع صبحت نار ع خدي من البكا بحرقه
ويارب عندي ثقه في كرمك والصبر
وتعوض علينا أيام كانت لعمرنا سارقه
ولا طلعنا منها غير بالخسارة
والله ما كنت طمعان غير في رفيق روح وضل
لكن شبعت من الوجع والذل
ومينفعش نقول النصيب اشمعني
اللي عايزك هيضحي عشانك وهو مبسوط
عشان وجودك وانتا مش متعاز
شئ ملوش معني

بقلمي/أم هاشم العيسوي