فيه ناس قربك ليهم ياعزيزي بيحلي الأيام

كلمات / ام هاشم العيسوي
متابعة / ممدوح السنبسى

فيه ناس قربك ليهم يا عزيزي بيحلي الايام ، وناس تقربلهم تلاقي قربهم قلة قيمه
وناس مهما تعملهم ولا يطمر فيهم ، وناس حرام فيها حتي السلام
انا لو كنت جدع فدا من طيب أصلي ، إنما لو فهمتو غير… يبقي من ترابيكم
انا سيرتي عطر من صغري ، وكنت محبوب حتي في فصلي
ولو شوفتو غير كدا يبقي العيب في عنيكم ، ومش تكبر مني ولا ضعف

انا بس شايف انكم رساله من الحياه ، وبمجرد ما قرأتها برشمته تاني الظرف
وولعت فيه مع أي ذكري سيئه ، تقلل مني وترجعني سنين ورا
ومتقلقوش حلقة الدنيا والله ضيقه ، وبكره تندمو علي اللي في حقنا منكم جرا ، احنا طيبين وعفويين بالفطره
وانتو في النفاق والتمثيل ناس شاطره ،والله انا لو ما اعرفكم اقف واقولكم براڤووووو ، بس اوعو تنسو انه يمهل ولا يهمل
ومن بكره لازم تحظرو وتخافوووو ، انا مش ندمان علي أي معروف قدمته

انا بس مستني اشوفكم تدوقو نفس الكاس
لو مدارتش الايام وندمتو
ابقو قولو إني غلطان ادام كل الناس
ابقو قولوها علنا وعلي الملأ ، يا صحبه كانت ندامه
وسيرتكم تاخد لقب الشلأ ، خلق شبع من بعد جوع
ولا يملي عينها غير الفلوس والمظاهر ، ونسيتو ان العدل دايما صيته مسموع

أما احنا مرايه خيالها طاهر ، ولا يعكرها امثالكم مهما كانت الظروف
انا لما امشي اللي يحل مكاني كمالة عدد ، ومش زعلان علي كل اللي اديته من معروف
واللي هتبنوه ابشركم قايل للهدد ، لانه كله علي الخداع والخيانه
ومهما تروحو وتزورو وتقولو مدد ، القرب منه والخوف في كل مكان أمانه

كلماتي/أم هاشم العيسوي