الوحده عباده

كتبت/أم هاشم العيسوي
متابعة / ممدوح السنبسى

اكتفيت من قربك كله كان أذي
واديني كفنت اللي بينا
من جدعنه وصداقه واخدت فيهم كمان العزا
كانو يشوفونا يقولو ظاهر الحب من عينا
وكنت ياما اعدي واقول بكره احلي ويا حبذا
جدعنتي كانت طيبه اصل ومش ضعف
واللي فهمها غير كدا ف دا عيبه
مش هعترض علي أمرك يارب
هو دا قلبي واخد الدرس ودا نصيبه
ونعتبر اللي فاتنا كان بالنسبه لينا مطب
وفوقنا بعده والايام كفيله تداوي
مش ذنبنا لو القلب بالاخلاص حب
ولا يعني كان حد للهجر ناوي
كنت بحب بكل ما فيا من طاقه
بس كل ما نقابل هنتصدم في كتير بلاوي
وايه يعني لو قلبي اتباع
بكره يجي اللي يقدره ويشتريه بالغالي
الف مره حسيت معاك بالتوهه والضياع
وكنت اعاتبك بعشمي وانت لا تبالي
كل اللي استفدته منك درس ولو إنه قاسي
ولا عمري استخسرت فيك سؤالي
اعدلك بدال الموقف ألف ولا انتا ناسي
مش زعلان ع العشره والموده
ولا هلوم نفسي علي كل حلو انا ليك قدمته
مع اني كنت قريب وانتا أساليبك حاده
علمت قلبي يعمل أستوب وكتير ندمته
وماله لو بقينا لوحدنا لما يجي لقلبنا اللي يستاهله
نختار بتأني ولا مره نيجي علي نفسنا
والخير بيجي بالصبر وعلي مهله
اوعي تعاتب جاهل المشاعر علي جهله
ولا توافق بحاجه أقل من اللي بتديها
الروح عزيزه ولا تجرحها بسهوله
ولو غير كدا فالوحده يا عزيزي أفضل وبديها