كنت بديك بكل ما فيا من طاقة حب وود وانت كنت تستني مني الغلطه

كلمات / ام هاشم العيسوي
متابعة / ممدوح السنبسى

كنت بديك بكل ما فيا من طاقة حب وود
وانتا كنت تستني مني الغلطه والند بالند
دوقتك في عهدي عز وترف ومكنتش في الحب بخيل
انا لو زعلان فعلي ع نفسي لانه مبيزعلش ع معروف من كان بالطبع اصيل

وفي كل اللي بينا كان وكل اللي حصل
انا بقولك بكره يجي اللي يعرفك انك كنت في حقي وباهمالك ليا عباره عن شوال بصل
وأقولك عن كل حقوقي اتنازلت وبكل رضا لأجل كرامتي
ولو ليا عندك ربع خاطر ومعزه اعتبر اللي راح كان فرصة عمرك
كنت تشاور وقبل ما تنهي الكلام كنت اقولك انا ضهرك وبالحب تحت امرك

وياريتك قدرت دا كله ..بس اقولك فعلا الطبع غلاب
فلأجل المتبقي من حلاوة روحي وطبعي قررت الانسحاب
صعبه هيا الايام تمر بعد شوية تعلق ومحبه
بس انا قولت يارب حق قلبي عندك
وكل الجروح الباقيه تداويها بعد أمره الأطبه
كل داء وله علاج
الا وجع القلب وهو في أشد الاحتياج
ضمنت حبي ليك ووجودي
وتقولي وقت العتاب منك ميلزمنيش
واني لازم الزم في الحب حدودي

يا اخي والله بكيتني علي حالي وياريتك من الأصل متعرفنيش
دا انا بقيت زي بيت وبابه اتقفل وضاع مفتاحه
ودموعي بالعافيه بتطيب في قلبي وجراحه
ايه دا ازاي يهون عليك بعدي ودموعي في مره بعد وقت من الزعل

سبحان من قربني ليك وسبحان من كتب عليا الوجع
كل حاجه ليها بديل ووقت للتعويض
الا وجع القلب لا ليه عوض ولا مرتجع
ابصم انا بالعشره واكتبها بالخط العريض
اسف يا نفسي وعمري ما هعرضك تتعلقي تاني ويتقال عنك دا كان بالحب مهووس ومريض
كله بصراحه الا الكرامه
لو تتنازل عنها كذا مره لأجل تتقدر
وتلاقي العكس بعينه
يبقي شكرا لكدا وشكرا بالأوي
ونوفر حبنا وقلبنا لناس تصونه
عشان عمره ما يقع في الحفره مرتين الانسان الشاطر أو السوي

كلماتي/أم هاشم العيسوي