محمدالسلاب والقضاء علي تنمر ذوي القدرات الخاصه

حمله مش هنسيبكم لمواجهه كل اشكال التمرد

كتبت نهي عبد الخالق
قال النائب محمد مصطفي السلاب ان السنة دي كانت سنة سعيدة .. ببساطة لإن ربنا حققلي حلمي بإني أكون سبب في تغيير حياة الناس للأفضل.

واوضح القصة بدأت في أحد المؤتمرات الشعبية ضمن حملتي الانتخابية .. كان حاضر فيه عدد كبير من ذوي الإحتياجات الخاصة وسألتهم عن مطالبهم وكنت متوقع وقتها مطالب “مادية” .. لحد ما قام شخص منهم وقالي “كل اللي نفسنا فيه إن الناس تبطل تنمر وتريقة علينا ! احنا ربنا اختبرنا بمحنة صعبة بنحاول نعديها، مش عايزين أي حد يزودها علينا”.

واكد السلاب ان كلماته أثرت فيا جدا .. وقررت وقتها تكون دي قضيتي .. وأطلقت حملة مش هنسيبكم لمواجهة كل أشكال التنمر علي ذوي الإعاقة .. وفي أحد خطوات الحملة قدمت لمجلس النواب مشروع قانون لتغليظ عقوبة التنمر علي ذوي الاحتياجات الخاصة لتصل إلي ١٠٠ ألف جنيه غرامة وحبس يصل إلي ٥ سنوات إنطلاقا من دوري كنائب في البرلمان.

وفضلت المناقشات مستمرة لغاية ما القانون إتوافق عليه في البرلمان نهائيا .. وسيادة الرئيس صدق عليه وبقي واقع وبموجبه أحالت النيابة العامة عدد كبير من قضايا التنمر علي ذوي الاحتياجات لمحاكمات عاجلة .. وبقي أي مجرم يحاول يتنمر علي ذوي الاحتياجات يفكر ألف مرة.

مش بس كده .. امبارح صديق عزيز بعتلي حلقات مسلسل “إلا أنا .. حلم حياتي” واللي بيناقش قصة فتاة شابة من ذوي الإعاقة بتلعب دورها الفنانة الشابة الموهوبة مايان السيد .. بيحكي المسلسل عن إزاي لما حد تنمر عليها جابت حقها بموجب القانون اللي تقدمت بيه وبيلعب دور كبير في توعية الناس عن خطورة جريمة التنمر باستعراض بنود مشروع القانون .. حسّيت لحظتها إن فيه نسق مجتمعي كامل إتغير تجاه فئة كبيرة تستحق كل الرعاية والتقدير والاحترام.

وانهي السلاب حديثه أنا خارج من ٢٠٢١ وأنا سعيد وراضي باللي حاولت وسعيت وراه علشان يبقي حقيقة .. وداخل ٢٠٢٢ بأحلام كتير وقضايا تانية .. ومقتنع إن أي حلم وراه نية صافية وجهد كبير .. ربنا بيبارك فيه وبيوفق في تحقيقه