احمد زاهر يدعم المخرج محمد سامى فى أزمته مع المتحده

كتب أنور عبدالحميد
قدم الفنان أحمد زاهر الدعم الكامل عبر صفحته الشخصية على مواقع التواصل الاجتماعى فيس بوك للمخرج محمد سامى مخرج مسلسل نسل الاغراب الذى شارك به فى الموسم الرمضاني السابق وذلك اثر الأزمة القائمة بين الشركة المتحدة والمخرج والتى اقرت بوقف التعامل مع المخرج محمد سامى وعلى اثرها هاجمه بعض الزملاء والحاقدين .

قال زاهر انا مش ضد قرار المتحده لان اكيد ده له اسباب و في سبيلها للحل باذن الله انا ضد حمله التشويه البشعه لسمعه و شخص محمد سامي اللي بيقوم بيها بعض الزملاء و بعض اللجان الاليكترونية انا ضد تشويه سمعه اي حد مش بس محمد سامي الراجل ده انا اعرفه من ١١ سنه و اشتغلت معاه اكتر من خمس اعمال مشوفتش منه غير كل خير و احترام و تقدير للموهبه و بقولها و هاقولها طول عمري محمد سامي هو اللي غير حياتي بعد اراده ربنا سبحانه و تعالي ولن انسي له هذا الفضل هو اللي خلاني اخس ١٠٠ كيلو عشان تمسك بيا في مسلسل حكايه حياه و ده الدور اللي غير حياتي و تتوالي بعده كم نجاحات و كلها معاه و اخرها #فتحي في #البرنس و دي كانت نقطه تحول تانيه في حياتي …. تفتكروا اللي شفت منه كل الخير و الاحترام و التقدير و الموهبه و النجاح ده كله مكنش جنبه و ادعمه انا مفيش في ايدي حاجه اعملها غير اني اقول شهاده حق يعلمها الله سبحانه و تعالي وعاوز بس افكركوا ان محمد سامي هو نفس المخرج اللي سقفتوا له كل السنين اللي فاتت #ادعم_المخرج_محمد_سامي